GIKUYAWAN ang usa ka kahera sa Small Town Lottery Outlet kon STL human kini gitulis sa usa ka armado sa ilang pwesto sa Barangay Labangal, Gensan.
Sumala sa usa ka biktima nga nagpatago lang sa pangalan nga alyas Janet, minyo ug may anak, alas 6 pasado sa gabii sa dihang hapit na kini mopauli sa kalit lang may tawo nga nisulod sa pultahan sa outlet unya nagtion og armas ug nagdeklara og tulis mao nga wala siyay nahimo.
Nakuha sa tulisan ang kapin upat ka libo pesos nga kwarta unya mibiya padulong sa dalan pa- Lanton, Brgy. Apopong.
Na-imbestihgahan na sa Makar Police Station ang nahitabo apan wala pa nailhan ang mga tulisan.
Samtang nakahukom ang biktima nga mo-undang na sa trabaho gumikan sa kakulba nga iyang gibati. I Ver Diazon
