NAGA CITY- Tsunami sa Cabusao, pagkakaroon ng oil spill dahil sa pagsabog ng oil depot sa Pasacao kasunod ng lindol, pagputok ng Mt. Asog sa Iriga, landslide sa Buhi at pagka ng derail ng tren sa Gainza Camarines Sur.
Ito ang laman ng Provincial Multi-hazard Simulation Exercises sa lalawigan ng Camarines Sur na sinimulan kahapon , ika-29 ng Hulyo, hanggang ngayon Hulyo 30, 2022. Tiningnan ang “response operations” para sa ibat-ibang nasabing mga senaryo.
Sinabi sa Brigada News FM Naga ni Provincial Disaster Risk Reduction and Management Chief Che Bermeo, isasagawa ang SIMEX upang masuri ang kahandaan ng Provincial Government/PDRRMC at ng mga responders sa mga LGU.
Nanawagan si Bermeo na sa pagpapatuloy ng aktibidad huwag mag panic kung nagkakaroon ng malawakang paggamit o pagdaan ng mga ambulansya, firetrucks, army trucks at iba pang response assets.
Ang Provincial Multi-hazard Simulation Exercises ay bahagi ng aktibidad may kaugnayan sa National Resilience Month.
