Naglab-ot sa P50,000 kabug-osan nga balor sang kahalitan matapos nasunog ang tatlo ka stalls sa meat section sa sulod sang Teodoro Arcenas Trade Center (TATC) sa Roxas City.
Sandig sa impormasyon, 2 sa mga stalls nga totally burned ang ginapanag-iyahan nanday Randy Aguirre kag Herminio Cabanus samtang ang isa ka stall nga partially burned ang ginapanag-iyahan ni Joet Alejo.
Matandaan nga gab-i sang Mayo 16, 2023 gintupok sang kalayo ang tatlo ka pwesto takna alas 9:27 kag nagdugay ini sang kapin 20 minutos kun sa diin ginlayon nga napalong sang mga nagresponde nga bombero.
Sa karon, nagapadayon pa ang maid-id nga imbistigayon sang BFP Roxas angut sa gintunaan sang sunog./END
