Epektibo na ngayong araw ang ease of Paying Taxes ng Bureau of Internal Revenue (BIR).
Sa ilalim nito, hindi na kailangan pang magbayad taunang P500 registration fee sa tanggapan.
Paliwanag ni BIR Commissioner Atty. Romeo Lumagui Jr., VAT o non-VAT man, wala na ang dating P500 na annual fee.
Maliban sa pag-aalis ng naturang bayarin, ibinahagi rin ni Lumagui na sa ilalim ng nasabing hakbang, magkakaroon ng tax payer segmentation na siya aniyang pinakaimportante sa batas.
Gagawin kasi rito ang iba’t ibang adjustments na siyang magka-classify kung ang mga tax payers ay para sa large, medium, small, o micro.
Sa huli, tiniyak ng ahensya na sinisikap nilang mapadali ang proseso ng pagre-report at pagbabayad ng buwis.
#
