GUSTO ni Kagawad Atty.Jose Edmar Yumang ang istriktong pagpatuman sa checkpoint ug police presence sa matag karon.
Gihingusgan niini, nga dapat dili lang kung adunay nahitabo sama sa pagpamomba o unsa mang dagkong krimen, diha pa lang ipatuman ang
istriktong checkpoint ug pagpakusog sa presensya sa kapulisan ug kung wala, dili na usab istriktohan ang pagpatuman.
Dugang pa ni Yumang nga dili matud pa masulbad ang shooting incident sa GenSan kung dili mahimong istrikto sa police presence ug pakusgon usab ang mga programa batok sa krimen.
Gani sa unang pagpatawag sa kapulisan sa Sangguniang Panlungsod gipangutana sa konsehal ang city deputy director sa GSCPO kung unsa kaluwas ang mga katawhan, gitubag daw kini sa opisyal nga ‘very safe.’
Luyo niini, nagpangutana gihapon si Yumang nganong nahitabo man ang pagpamusil.
Sa sunod session, subling ipatawag ni Yumang ang City PNP Director sa GSCPO ug nanghinaut motambong na aron makahatag og pamahayag sa peace and order situation sa GenSan.
