SA June 9, 2022 na ang effectivity sa unang tranch sa P32 nga usbaw sa suhulan sa mga trabahante sa private company sa region-12 nga anaa sa P16.
Kini ang gikumpirma ni RTWPB-12 board secretary Jessie dela Cruz human sa 15 days nga publication sa maong wage order.
Sa non agriculture sector, ang P336 nga suweldo mokabat na sa P352 pag-abot sa Hunyo 9 ug kung ipatuman na usab sa umaabot nga September 1 ang laing tranch nga P16, mokabat na sa P368 ang sweldo sa maong sector.
Sa agriculture sector ug retail establishment gikan sa P315 pag-abot sa Hunyo 9, ang ilang dawaton anaa na sa P331 sa kada adlaw, ug sa September 1, anaa na sa P347 pesos sa pagpatuman sa second tranch sa P32 nga increase.
Sa compliance sa mga establishment o kompanya, ang labor inspector ang gahimo sa pagsuta ug kung may reklamo, ipaagi sa single approach ug dili una ipasaka ang kaso subay sa mando ni Labor Sec. Silvestre Bello.
Ga-submit usab sa ilang compliance report ang mga employers sa pagpatuman sa wage order.
