APEKTADO na ang kadalanan sa Barangay Domolok gumikan sa sunod sunod nga pag ulan
Sa impormasyon gikan kay Kapitan Patricio Degamo gikumpirma niini nga nakahimo na sila og report paingon sa munisipyo sa Alabel kabahin sa mga nadaut nga kadalanan gumikan sa sunod sunod nga ulan.
Samtang gi-inspection ni Kagawad Mohri Dambong ang mga purok nga apektado sa pag-ulan.
Ang mga kadalanan nga adunay guba sa Purok 13 Blao, Purok 8 Kablan, Purok 5, 6 ug 10, adunay gamay nga landslide unya may naanod nga tamburong ug dili makaagi ang mga dagkung sakyanan.
Gidugang ni Dambong nga na-adtuan na sa Engineering Office ang mga dalan nga naguba apan dili pa mabalhin ang mga ekipo nga naa sa Malungon area mao nga nagtakda na lang ug bayanihan ang taga Purok aron maayo ang ilang kalsada. I Ver Diazon
–
