NAHIMONG talk of the town sa munisipyo sa Alabel, Sarangani Province ang kalit nga pagsirado sa usa ka investment Office.
Hulyo 18 naabtan sa Brigada NewsTeam sa kapehan sa palengke nga naga istorya ang mga tawo nga naga-inum og sikwate ug ang ilang gihisgutan mao ang ilang giapilan nga investment scheme nga gitawag nga Kahayag.
Sumala kay alyas Leah usa ka negosyante sa palengke nga P120,000 ang iyang kwarta nga gi-invest apan dili tingob, ang pinakadako nga iyang na- invest anaa sa P80,000, naka pay out siya sa unang bahin apan sa ulahi nga P50,000 ka usa lang siya naka pay out.
Nagmahay usab ang usa ka senior citizen nga si Aurelio Bernabe kay iyang gipatulog ang P15,000 apan sa iyang pag-adto sirado na ang opisina sa kahayag sa Purok Fatima B, Barangay Bagacay, Alabel, Sarangani Province. I Ver Diazon
