PADAYUNG ginaawhag sa special operation unit sa PDEG sa Police Regional Office o PRO-12 ang publiko makig-ambit sa ilang ginahimong monthly drug awareness.
Matud pa kang PLt.Jomer Puntuan Guiamalon, chief admin sa PCR section sa PDEG sa PRO-12 nga padayun ang ilang pagpahigayon sa maong seminar sa mga tulunghaan.
Kini tungod ang mga anaa sa high school ug kolehiyo ang sagad mga edad nga daling maengganyo sa pagsulay sa illegal drugs.
Awhag niini usab sa kinsa man nga gusto mapahigayunan nila og drug awareness nga moadto lang sa ilang opisina nga nahimutang sa Camp Fermin G. Lira.
Gibutyag usab ni Guiamalon nga sagad nga nameligro nga madala sa barkada ang anaa sa edad 15 hangtud 21-anyos mao nga angayan gayud silang matudloan sa paglikay sa gidiling druga.
Hinuon gibutyag niini nga sa ilang unit wala silay nadakpan nga kabataan nga na-involved sa gidiling druga ug sagad matud pa anaa sa edad 27 anyos hangtud 40-anyos pataas.
