Reymund Titong
KABANKALAN CITY, Negros Occidental — Nakakuha sang duwa ka pwesto ang Indigenous Peoples (IP) group sang syudad sa Kabankalan, sa ginpatigayon nga Visayas leg sang IP Games 2024 sa Manuel Y. Torres Sports Center sa syudad sang Bago sang Setyembre 28-29.
Ang duha ka adlaw nga IP Games-Visayas leg, ang labaw pa sa isa ka sports festival, ini ang nangin isa ka lugar para sa pagpalapnag kag pagpreserba sang matambok nga tradisyon, kultura, kag mga hampang sang mga tumandok sa probinsya.
Nakuha sang Kabankalan ang 2nd Place sa Panit Lubi nga hampang kag 3rd place naman sa kadang.
Ang sports center ang ginkapulan sang kasadya samtang 350 ka mga partisipante — mga lalaki kag babaye, mga pamatan-on kag tigulang — halin sa 17 ka lain-lain nga mga komunidad sang tumandok sa probinsya nag-compete sa nagkalain-lain nga mga tradisyonal nga hampang nga ginpanubli pa sang ila mga katigulangan.
Ang mga partisipante nag-compete sa mga hampang nga bangkaw, pana, paghimo sang kalayo gamit ang katutubo nga mga materyales, kadang-kadang, panit-lubi, palo-sebo, trompo, tumba-apatis, bayo gisig, kag galing mais.
Ang Negros Occidental ang sa karun puluy-an sang kapin 90,000 ka katutubo nga naghalin sa nag kalain-lain nga grupo, suno sa 2023 nga sensus sang NCIP-Negros Occidental Community Service Center.
Ang mga partisipante sa IP Games ang gikan sa mga banwa sang Binalbagan, Don Salvador Benedicto, Calatrava, Candoni, Cauayan, Hinoba-an, Ilog, Isabela, kag mga syudad sang Cadiz, Himamaylan, Kabankalan, Sagay, San Carlos, Silay, Sipalay, Talisay, kag Bago.
Ang inisyatibo gin-organisar bilang sabat sa panawagan sang United Nations Educational, Scientific and Cultural Organization (UNESCO) sa pagpauswag sang kultura. Ang IP Games, nga nagumpisa sang 2018, apang na-untat lamang bangod sang COVID-19 pandemic, kag wala nakapatigayon sang 2020 kag 2021.
Ang Luzon Leg ang natigayon sa bulan sang Abril, subong nga tuig kag ang ikatatlo naman ang pagahiwaton sa General Santos City sa palaabuton nga Oktubre. -BNFM Kabankalan
