Ka Tunying, magapangatubang sang sampaw-sampaw nga kaso

Magapangatubang sang sampaw-sampaw nga kaso ang bantog nga lider sang Communist Terrorist Group (CTG) nga naga-operate sa banwa sang Maayon, Cuartero kag Tapaz, Capiz matapos nadakpan sang mga otoridad sa Sitio Siwalang, Brgy. Tapulang, Maayon kahapon sang Martes, Hunyo 25.

Matandaan, ginkilala ini kay Francisco Balois alyas Ka Tunying, 56-anyos, lider sang Squad 2, Madia-as Dos, Central Front, Komiteng Rehiyon – Panay. Lakip sa mga kaso nga iya paga-atubangon amo ang Multiple Murder and Frustrated Murder; Robbery in Band; Serious Illegal Detention Rebellion and Direct Assault kag madamo sang iban pa.

Nahibaluan, nadakpan ini sa bulig man sang mga residente sa lugar nga wala nagkahadlok sa paghatag sang impormasyon sa mga otoridad. Sa karon, nagapabilin ini sa Maayon Municipal Police Station para sa nagakaigo nga disposisyon. | Judy Ann Juare

Leave a Reply

Your email address will not be published. Required fields are marked *