Nasungkit ng Filipino-Japanese karateka na si Junna Tsukii ang number 2 spot sa Karate Premier League annual rankings.
Ito ay matapos ang gold medal performances ng Pinay karate practitioner sa Portugal at Egypt.
Sumunod si Tsukii kay Serap Ozcelik Arapoglu ng Turkey sa -50kg category.
Nangako naman si Tsukii na paangatin pa niya ang kaniyang ranking sa hinaharap.
Matatandaan na nabigo si Tsukii na makalahok sa Tokyo Olympics matapos itong matalo kay Ivet Goranova ng Bulgaria sa qualifiers sa Paris.
