KORONADAL CITY- MAGSASAGAWA ang Technical Education and Skills Development Authority o TESDA Region 12 ng jobs fair para sa mga technical-vocational graduates. Ito ay gaganapin sa August 25 sa KCC Events and Convention Center sa General Santos City.
Layon ng aktibidad na World Café of Opportunities na mai-ugnay ang gobyerno at mga private agencies sa mga tech-voc graduates.
Kabilang sa mga job vacancies dito ay para sa construction, agriculture at tourism and services.
Inihayag ni WCO Focal person Chris Castino na maliban sa job fair, may orientation din na isasagawa kaugnay sa entrepreneurship, financial assistance at employability skills.
Pagkakataon din aniya ito para sa mga tech-voc graduates upang ma-update sa mga available skills training para sa upgrading ng kanilang mga skills.
