KORONADAL CITY- UMABOT sa 7, 240 na mga estudyante sa buong rehiyon 12 ang nakatanggap ng educational assistance mula sa Department of Social Welfare and Development o DSWD 12 sa unang araw ng pay-out sa mga student-in-crisis.
Sa datos ng DSWD 12 sa kanilang Facebook Page, pinakamarami sa mga nabigyan ng ayuda ay mga elementary students na umabot sa 2,415; 2,036 sa junior high school; 1,656 sa college at vocational courses; at 1,133 naman sa senior high school.
Ang mga elementary students ay nakatanggap ng tig P 1,000; P 2000 sa high school; P 3,000 sa senior high school; at P 4000 sa kolehiyo.
Sa kabuuan, nakapamahagi ang DSWD 12 ng P 16,802,0000 na educational assistance mula sa pitong mga Crisis Intervention Unit (CIU) at satellite offices nito.
Sa Agosto 27, magpapatuloy ang pamimigay ng ayuda ng DSWD 12 ngunit ito ay isasagawa na sa mga munisipyo at lungsod.
