KORONADAL CITY- MAGSASAGAWA ng Job Fair ang bayan ng Tampakan ngayong araw sa pamamagitan ng Public Employment Service Office o PESO mula alas-8:00 ng umaga hanggang alas-4:00 ng hapon sa lobby ng municipal hall.
Ang naturang job fair ay bahagi ng pagdiriwang ng 20th Tamfaken Lum’alay Festival.
Sa mga jobseekers, kabilang sa mga bakanteng trabaho na maaaring aplayan sa lokal ang office staff, sales clerk, customer service representative, cahier, waiter, welder, machine operator, encoder, IT staff o technician, civil engineers, service crew, at marami pang iba.
Sa mga gusto namang magtrabaho abroad, kabilang sa mga hinahanap ng mga overseas recruitment agencies ay ang mga nurses, butchers, truck driver, waiter, foreman, barista, factory worker, welder, engineer, at care worker.
Sa mga interesado at gustong magkaroon ng trabaho, magdala ng resume, school credentials, training certificates at iba pang application documents.
