Dinuro sa naganap na pagdinig ng Senate Committee on Public Order and Dangerous Drugs ni Senador Jinggoy Estrada si dating Philippine Drug Enforcement Agency (PDEA) agent Jonathan Morales.
Ito ay matapos ang naging ‘convicted’ remark ni Morales sa kanya.
Ayon kay Morales, ‘di tulad ni Estrada na na-convict, siya ay may kaso pa lang at hindi pa ito napapatunayan.
Kaugnay nito, agad naman siyang binweltahan ng senador sabay sabing hindi na dapat ito pakialaman ni Morales at magpokus na lang dapat ito sarili niyang kaso.
Samantala, upang hindi na tuluyang magkainitan ay agad naman din itong pinagitnaan ng chair ng komite.
Maalala, nitong Enero, idineklara ng Sandiganbayan si Estrada na ‘guilty’ sa kasong direct at indirect bribery.