KABANKALAN CITY, Negros Occidental — Apat ka adlaw matapos mag-sugod operate ang isa ka gasolinahan sa banwa sang Cauayan, ang gin hold-up sang wala pa makilal-an nga mga suspetsado, pasado las-3 sang hapon, adlaw sang Sabado, Mayo 11.
Sa interview sang Brigada News FM-Kabankalan kay Bryan Docto, pump boy sang Red-K Gasoline Station, nag patughong pa sang gasolina ang duwa ka mga suspetsado sang ila motor, antis ini gin tari-an sang isa ka armas-luthang kag gin-taban ang kapin 20,000 nga binta sang gasolinahan.
Magluwas sa kwarta, nakuwa man sang mga suspetsado ang duwa ka cellphones nga gina panag-iyahan ni Docto, kag Louther Patenio, supervisor sang nasambit nga gasolinahan, kag yara man sa lugar sang natabo ang pag pang hold-up.
Base naman sa video nga kuha sang Closed-circuit television (CCTV) sang gasolinahan, matapos nakuwa sang mga suspetsado ang kwarta, gilayon nga nag sarorot ang ila motor padulong sa norte nga bahin sang probinsya, suli sa una nga mga alegasyon sang padulong sa sur ang destinasyon sang mga suspetsado.
Dugang pa ni Docto nga ini ang una nga tion nga na hold-upan siya bilang isa ka pump boy. Samtang, naga-padayon sa gihapon ang ang imbestigasyon sang kapulisan agud makilal-an ang mga suspetsado.*