Sisilipin na ng Department of Foreign Affairs (DFA) kung mayroon bang mga posibleng paglabag sa batas na ginagawa ang mga diplomats sa bansa.
Kasunod ito ng paga-anunsyo ng Chinese Embassy na ‘di umano’y may ilalabas silang phone call sa pagitan ng China at ng AFP-WesCom – bagay naman na malinaw na paglabag sa anti-wiretapping law.
Sa isang pahayag, sinabi ng DFA na aaralin nila kung mayroon nga bang iligal na ginawa ang mga foreign diplomats.
Sa ngayon, tuluy-tuloy pa rin daw ang kanilang pag-respeto at pagsunod sa batas, bilang isang responsableng miyembro ng international community.
