Bilang sambilog ka prevention strategy agud malikawan ro pagtaas it suicide rate sa bieog nga Western Visayas, ginlunsar it Department of Health (DOH) Region 6 ro “IT’S OK NOT TO BE OK” campaign.
Tuyo nana kara nga pataason ro kamalayan it publiko sa mga isyu sa kaeuwasan it isip ag mas mapanami pa ro pag-alaga sa mental nga estado it sangka indibidwal.
Ro crisis line hay tuyo nga magtao it insigida ag epektibo nga serbisyo pangkaeuwasan para sa mga nagakinahangean kara
base pa kay Dr. Adriano Suba-an, DOH-6 director, ro pagpangayo it bulig hay ro pag-avail it mga serbisyo sa kauewasan it isip ag bukon raya it palatandaan it kahinaan kundi kabaskog it buot ag pag-asa.
Ro mga indibidwal nga naka-eksperyensiya it stress ag depresyon hay pwede nga magtawag o magpadaea it text message sa DOH-6 mental health connect crisis lines 09985324047 o 09177759256.
Pwede man sanda nga makipag-angot sa mga eksperto sa paagi it mga social media platform it DOH-6 kapareho it Facebook (@mhwesternvisayas) ag Instagram (@mhconnect1).
Ro mga linya ngara hay bukas 24/7 para sa psychological first aid, psychosocial support, ag iban pa nga mga serbisyo./JIL B. LACSON
Glenda Tayona
