Inamin ni Sen. Robinhood Padilla na patay na ang itinutulak niyang pag-amyenda sa economic provisions ng Konstitusyon.
Ayon kay Padilla na siya rin chairman ng Senate committee on constitutional amendments and Revision of Codes, isa sa mga dahilan ng hindi pag-usad ng Cha-cha ay ang gulong namuo sa pagitan ng mga lider ng House of Representatives.
Isa pa raw sa dahilan ay apat lang sa kanyang mga kasama na pawang mga kapwa niya senador sa PDP-Laban ang pumirma sa kopya ng committee report hinggil sa mga ginawang pagdinig sa nasabing panukala.
Umaasa na lang ang senador na magiging epektibo sa pagtaas ng foreign investments at paglago ng ekonomiya ang nalalapit na paglikha ng Maharlika Investment Fund.//CA
