GISUGDAN na labaw sa komitiba sa Blue Ribbon ang pag-imbestiga balik sa isyu may kalabotan sa 20 ka mga proyekto sa syudad nga nalangay gumikan sa mga kakulian sa mga contractor.
Atol sa Question and Answer Portion sa konseho usa sa gi-imbitahan ang City Legal Officer nga si Atty. Armando Clarin ug naghatag kini og pasiunang update kalabot sa isyu ug sumala niini nga adunay 20 ka proyekto nga nalangay ug sa unom ka contractor, upat na ang na-blacklist sa syudad pasabot dili na makaapil og bidding sa proyekto.
Pasiuna palang ang imbitasyon ni Kagawad Dominador Lagare ug sundan kini sa pagdungog sa iyang komiteba.
Nagpadayag usab si Clarin nga andam siya nga mo-submit sa tanang dokumento nga anaa sa ilang opisina aron mapaklaro ang ilang bahin.
Andam usab daw sila nga mopasaka og kaso batok sa mga contractor apan ilaha usab ginakonsidera ang magasto sa syudad kay sa proyekto nga anaa sa usa ka milyon hangtud P10 milyon anaa sa kapin P8,000 ang filing fee, P13,000 usab ang admin fee.( Ever Diazon)
