Arestado ang isang opisyal ng Bureau of Fire Protection sa Cebu City dahil sa reklamong paniningil kapalit ng posisyon sa recruitment.
Ayon sa BFP, naaresto ng National Bureau of Investigation sa entrapment operation ang isang Fire Inspector at hepe ng Fire Safety Enforcement Section ng Cebu City Fire Office.
Sabi ng BFP, patunay ito ng bisa ng tuloy-tuloy na internal cleansing campaign ng BFP pagdating sa recruitment at promotion ng mga bumbero.
Isa lamang pagkakadakip sa opisyal sa dami ng mga nahuli at naparusahan sa ilalim ng Oplan Santindig Campaign ng kawanihan ng pamatay-sunog.
Hinihikayat naman ng ahensiya sa sino mang nagpapabayad kapalit ng posisiyon sa loob ng BFP na makiisa para sa malinis at maayos na serbisyo publiko ng mga bumbero.
