Nadagdagan pa ang inaasahang taas-presyo sa mga produktong petrolyo sa susunod na linggo.
Matapos ang international trading – bahagya pang tumaas ang estimates na namumuro.
Ayon sa oil industry sources, tinatayang aabot na sa P0.80 hanggang P1.00 ang maaaring umento sa kada litro ng gasolina.
Sa diesel, mayroong inaasahang P0.50 hanggang P0.70 na price hike sa kada litro nito; habang P0.30 naman hanggang P0.50 sa kerosene.
Araw ng Lunes ia-anunsyo ang opisyal na price adjustment, habang magiging epektibo ito sa araw ng Martes.
