Aminado si Baybay City Mayor Carlos Cari na pahirapan ang search ang rescue operation sa kanilang lugar dahil sa patuloy na buhos ng ulan sa lugar dulot ng bagyong Agaton.
Ayon kay Cari bagama’t nakahanda na ang mga gagamitin sa operasyon hindi sila makagalaw dahil delikado pa rin ang pagpunta sa mga barangay kung saan nagkaroon ng landslide dahil nararanasan pa rin ang masamang panahon.
Nakatutok naman ang search and rescue operation sa Barangay Kantagnos kung saan maraming residente pa ang nailigtas.
Inihayag ni Cari na ang Kantagnos ang pinaka-apektado ng landslide matapos na matabunan ng halos buong barangay.
Batay sa tala ng Baybay City CDRRMO na sa 22 indibidwal na ang nasawi dahil sa mga pagbaha at landslide sa lugar.
