Patay ro isaeang magueang nga babae matapos maligsaan it pick-up truck sa Barangay Estefania sa Bacolod City ku Dominggo.
Kinilaea ro biktima nga si Cecilia Valentino, 64-anyos, it Barangay Minoyan, Murcia, Negros Occidental, nga nagaubra bilang kasambahay igto.
Hinambae ni Police Chief Master Sergeant June Garong, traffic investigator it Police Station 4, nga gatabok sa karsada ro biktima kat uwa imaw hapan-uhan it driver ku sasakyan.
Dinaea ro biktima sa Metro Bacolod Hospital, galing gin deklara rayang dead on arrival.
Hinambae ni Garong nga ro driver it kotse, nga isaeang Brazilian national, nga gaistar igto sueod it masobrang 10 dag-on eon, hay gin palaya halin sa kustodiya it pulisya ku Lunes, kasunod it pakikipag-ayos sa pamilya it biktima.//LABYRINTH R. BAYONA
Photo credit: Police Station 4
