Gina sayud it pulisya kung ro pagkamatay it isaeang eaeaki sa Barangay Poblacion, Cauayan, Negros Occidental ku Dominggo, hay isaeang kaso it accidental gun firing o homicide.
Suno kay Police Major Gary Alan Resuma, hepe it pulisya it banwa it Cauayan, nakaangkon it tama it bala sa ueo ro 37-anyos nga si Jeemo Redimo.
Hinambae ni Resuma nga halin sa tagayan si Redimo ag ro anang kibahan.
Karun pa man, uwa it makapaghambae kung ano gid ro masunod nga natabo, maliban sa kaibahan it biktima nga gin turing it pulisya bilang isaeang person of interest o POI.
Inaresto ro POI matapos rayang ulihing nakit-ang kaibahan it biktima ku nabubuhi pa raya.
Hinambae man ni Resuma nga hinambae it POI sa pulisya kung siin gin tago nana ro anang homemade .38 caliber revolver pagkatapos it insidente.
Ro POI hay ginapaidaeom pa sa paraffin test.//LABYRINTH R. BAYONA
Photo credit: Negros Occidental Police Provincial Office
