Nakilala na ng mga otoridad ang isa sa mga suspek sa serye ng nakawan sa lumang palengke ng Olongapo.
Ito ay matapos na mahanap ng biktima ng anak ng babaeng suspek sa pamamagitan ng social media account at impormasyon ng isang netizen.
Ayon kay Olongapo Police Station 1 Commander Pmaj.Exodus Rodriguez, kinilala ng negosyanteng biktima ang 64-year old na suspek kaya sasampahan ito ng kasong pagnanakaw.
Matatandaan, magkakasunod na araw simula noong nakaraang Miyerkules nang manakawan ang hindi bababa sa limang tindera sa palengke na ang mga suspek ay gumagamit ng istilong tulad sa salisi gang.//Christian Andres-BNFM OLONGAPO
