CAMARINES NORTE- Patay ang driver ng isang motorsiklo matapos mabangga ng isang closed van dakong 5:50 ng umaga nitong Hulyo 26, 2021 sa kahabaan ng Maharlika Highway Purok 1, Zone B, Barangay Exciban, Labo Camarines Norte
Ang biktima ay nakilalang si Lordson Bugtong y Laurel, 30 anyos at residente ng Barangay, Macogon, Labo, drayber ng kulay pulang Rusi Motorcycle
Samantalang ang drayber ng Mitsubishi closed van ay nakilalang si Randy Pasalo y Sisor, 37 anyos at residente ng Cabuluan, Victoria, Tarlac,
Ayon sa ginawang imbestigasyon ng pulisya, habang binabaybay ng drayber ng Mitsubishi closed van ang kahabaan ng Maharlika Highway mula Maynila patungong bayan ng Daet, dakong 5:50 ng umaga nang makasalubong niya ang Rusi motorcycle na minamaneho ni BUGTONG na inukopa ang linya ng kalsadang kanyang binabaybay.
Upang maiwasan ang nasabing motorsiklo, lumipat siya sa kabilang linya subalit, bigla namang bumalik sa dati nitong linya ang motorsiklo na naging dahilan ng pagsalpok dito ng kanyang minamanehong sasakyan.
Si BUGTONG ay nagtamo ng pinsala sa iba’t-ibang parte ng kanyang katawan at agarang dinala ng mga rumespondeng tauhan ng MDRRMO-Labo sa Camarines Norte Provincial Hospital subalit binawian ng buhay habang ginagamot sa nasabing hospital.
Maswerte namang namang walang tinamong pinsala sa katawan ang driver ng nasabing closed van.
Inaalam pa ang halaga ng mga pinsala ng sangkot na sasakyan na ngayon ay nasa kostudiya na ng Brgy. Council ng Brgy. Exciban, Labo, Camarines Norte.
Samantala, ang drayber ng Mitsubishi closed van ay nasa kostudiya na nang Labo MPS para sa kaukulang disposisyon.
(Photo courtesy: CNPPO)
