Kinumpirma ng Philippine Coast Guard (PCG) na isa pang barko ang lumubog noong Sabado sa Mariveles, Bataan.
Batay sa initial underwater assessment kahapon, na-identify ng PCG ang barko bilang MTKR Jason Bradley sa lalim na 9 na metro mula sa maputik na bahagi ng seabed na nasa 6 na yard ang layo mula sa pampang.
Nakumpirma rin ng mga diver ng ahensya na naglalaman ang motor tanker ng diesel cargo na hindi pa natutukoy ang dami.
Taliwas ito sa naunang inilabas na deklarasyon ng shipping company na nagsabing walang karga ang MTKR Jason Bradley.
Nagsagawa naman agad ang PCG ng capping o pagtakip sa leak ng barko, kaya’t naagapan pa ang pagtagas nito.
