Palutang- lutang nang matagpuan ang isang bangkay malapit sa karagatang sakop ng Sta Cruz Island sa Roxas Palawan kahapon, Ika-26 ng Disyembre.
Ayon sa PNP, ang bangkay na nakita ay isang alaki na may tintatayang taas sa 5’3-5’4 inches, may suot na kulay green na T-shirt.
Base sa datos ng PNP, ito na ang pang siyam(9) na namatay sa pananalasa ng bagyong Odette sa Roxas Palawan.
Sa kasalukuyan, nakalagak ang natagpuang bangkay sa Solivio Funeral Homes habang nagpapatuloy ang imbestigasyon ng pulisya sa pagkakakilanlan nito.
Samantala, nagpapatuloy din ang search and retrieval operation para sa ilan pang nawawala.
