-Daina Gerona
KABANKALAN CITY, Negros Occidental — Tikom ang bibig sang walo ka tuig nga babaye apisar nga nakita kag nahibal-an sini nga nahulog sa bobon ang manghud nga lalaki nga isa ka tuig sa So. Iling-iling, Brgy. Cabadiangan syudad sang Himamaylan.
Base sa panalaysayon ni Rebecca Villanueva, isa sa kaingod sang pamilya kag nagbulig sa pag-revive sang bata, nga nakibot na lamang ini nga nga nagadalagan si Melco Daywan samtang gina-istorya ang ginakugos nga bata nga magbato.
Apang, pag-abot sa Barangay Health Center sang Tonggo, git-om na ang tiil kag bibig sang bata kag wala na sang Kabuhi.
Sa panalaysayon naman sang lola sang bata nga sa masami didto ini naga-tinir sa ila nga balay ang iya lima ka mga apo, apang ini ang nagpauli lamang sa ila balay sang amo nga ti-on nga bag-o gid lamang naghulaw ang ulan kag samtang nagakaon ang amay nagahampang ang iya sini kabata-an sa sagwa sang ila nga balay kag ginahungitan pa ang bata nga isa katuig nga lalaki kag ini ang nag gulpi guwa.
Didto kag nagpalapit ang bata sa iya magulang nga walo ka tuig nga babaye sa higad sang bobon nag taga hawak ang tubig kag ginapatihan nga gulpi ini naghulog una ang ulo, apang bangud sa kahadlok sang magulang sa nasaksihan kag sa iya nga amay nga bakulon ang naghipos lamang.
Pagkaligad sang pila ka minutos didto na nga ginpangita sang amay ang iya bata hasta sa ila kaingod kag sang wala sini makit-an, may yara ini sang panagupnop nga ara sa sulod sang bobon kag gilayon naman ini nga gin-ukay gamit ang kawayan kag didto nasapwan ang iya bata nga nalumos.*
