-Reymund Titong
KABANKALAN CITY, Negros Occidental — Isa ka gatos nga mga political prisoners sa Negros Island ang napatigayon sang ‘fasting protest’ sa adlaw nga pagpatigayon ni President Ferdinand Marcos, Jr. sang iya ika-tatlo nga State of the Nation Address (SONA), sang Lunes, Hulyo 22, sa Batasang Pambansa Building sa Quezon City.
Pahayag sang Human Rights Negros Advocates (HRAN), ang mga political prisoners ukon mga indibidwal nga nagapagutabng sang kaso bangud sa pagpakibato sang ila political nga pagpati, ang yara sa kostudiya sang Negros Occidental District Jail sa Barangay Tabunan, sa syudad sang Bago , kag sa iban pa.
Dugang pa, nagpabutayag man ang HRAN nga pamatian ang mga kinamatarong sang mga pumuluyo, lakip na ang pag-basura sang mga kaso nga gin-file sa Department of Justice (DOJ) batok sa lima ka miyembro sang Paghidaet sa Kauswagan Development Group (PDG) nga ginatudlo nga naga-suporta sa New People’s Army (NPA).
Nahibaluan nga padayon nga naga-panindugan ang PDG nga ang ila adbokasiya sa pagbulig sa mga komunidad sa Negros agud mapa-nami ang ila kalidad sang pagpangabuhi, indi terorismo.
READ: PDG, nanindugan nga ang pagbulig sa komunidad indi terorismo
Sa datus nga ginbalhag sang human rights groups nga Kapatid kag Karapatan, may yara sang 755 tanan ka mga political prisoner sa pungsod Pilipinas, 90 diri nagamasakit, samtang 102 ang mga nanigulang na nga yara sa giyapon sa sulod sang prisuhan.
Sa piyak nga bahin, nagpatigayon man sang rally ang mga progresibo nga grupo agud magsinggitan sang mga butang sa pungsod, nga asta sa karun wala kongkreto nga solusyon, ilabi na ang nakalain-lain nga problema susyal sang mga Pilipino.*
