Iro gidunggab-patay; Tagtungod sa iro desidido nga mopasaka og kaso batok sa suspetsado!

Desido nga mopasaka og kaso ang tagtungod sa iro nga gidunggab-patay sa usa ka 30-anyos nga lalaki gamit ang buak nga botelya sa ilimnong makahubog didto sa Fish port, Belgium Street, Brgy Suba ning siyudad sa Sugbo.

Apan depensa pud ni alyas ‘Archie’, wala kini niya gidunggab apan iya lang kining gilabay sa iyang gidala nga botelya nga buak tungod nikalit lang kinig hamag kaniya.

Read More:  Mother of four dies while queuing for P20 rice in Bukidnon

Si alyas ‘Archie’ kinsa residente sa naasoyng lugar maoy naabtan sa tag-iya sa iro nga midunggab sa makadaghang higayon. Tungod sa kahadlok, nidagan si Edirita Dichos kinsa tag-iya sa iro ug nagpakitabang sa nag roving nga mga tanod ug didto malampusong napusasan si alyas ‘Archie’.

Read More:  How This Family Business in GenSan is Modernizing for a New Era of Doing Business

Saysay sa tagtungod, 4 ka buwan na niyang gibuhi ang maong iro og ginganlan kini niyag Marga. Gibutyag pud niya nga dili kini mamaak og walay kamatuoran nga gipaak si alyas ‘Archie’ sa iyahang iro.

Human nasikop si alyas ‘Archie’ sa mga sakop sa BPSO sa Brgy. Suba, gi-turn over kini sa Sawang Calero Police Station alang sa tukmang disposisyon sa kaso.//