Iginigiit ng Ipilan Nickel Corporation na walang kinalaman ang kanilang minahan sa mga naranasang pagbaha sa Brooke’s Point, Palawan.
Ayon kay Alex Arabis, Resident Mine Manager ng INC, nagsagawa na umano ng assesment ang mga ahensya ng Pamahalaan kasama ang PCSD, PDRRMO at MGB- DENR tungkol sa naranasang pagbaha kamakailan sa munisipyo.
Sa comprehensive report ng assesment, lumabas na ang malakas na pag- ulan, kakulangan ng drainage system at matagal nang pagka-kaingin ang dahilan ng pagbaha sa munisipyo.
Gayunpaman, aminado ito na patuloy ang kanilang mining operation sa kabundukan ng Brooke’s Point.
