Binawi na ng gobyerno ang naunang ipinatutupad na requirement para sa mga college students partikular na ang pagkakaroon ng medical insurance.
Kinumpirma ni Deputy Palace spokesperson Kris Ablan sa isang pulong balitaan na hindi na nire-require ang medical insurance para sa mga estudyanteng babalik sa limited face-to-face classes.
Ito umano ay base sa rekumendasyon ng Commission on Higher Education.
Matatandaaang una nang binatikos ng ilang mga mambabatas at grupo ng mga estudyante ang ipinatupad na inurance requirement sa kadahilanang dagdag bayarin at pasakit lamang ito sa mga magulang.
#
