Mabahoe ro gintaas it insidente it sunog sa Western Visayas base sa Bureau of Fire Protection.
Halin sa nailistang 1,311 ku 2022, sumaka eon raya sa 1,580 nga insidente makarung Setyembre 2023.
Umabot eon sa P629,256,147.13 ro kabilugan nga halit tuga it mga insidente it sunog makarung dag on.
Nagapakita sa datus halin sa BFP 6 nga may una nga 964 structural fires, 484 non-structural fires, ag 132 vehicular fires.
Ro nasambit nga mga insidente it sunog hay nagresulta sa pagkamatay it 12 katawo ag 69 ro naninahan kaeakip eon ro tatlong BFP personnel. // ANN DESLENE SALAZAR
