Nagparekord sa Kalibo MPS ro sangka owa eon ginpangaeanan nga cashier bangud sa ginaalegar nga “palit-pera modus”.
Sa imbestigasyun, makita sa CCTV nga may sangka eaeaki nga nagsueod sa sangka food chain ag nagpabaylo segun raya it anang kwarta.
Suno segun sa eaeaki, may tig sanggatuson imaw nga kwarta nga nagabalor it P24,000 ag gusto nana nga pabayluhan sa kahera it tig sanlibong piso.
Pero nagbalibad ro cashier bangud P13,000 eang ro anang available nga cash.
Humirit segun gihapon ro eaeaki nga pabayluhan eon lang ro anang tig 20 pesos pero kat bayluhan segun raya it cashier hay insigida nga binalik it eaeaki ro kwarta ag naghambae nga indi eon nana pabayluhan ag pumanaw.
Pero kat huyapon eon it kahera ro kwarta hay kueang eon raya it P5,000 ngani ginpakamayad nana nga iparekord ro insidente.
Sa makarun hay padayun raya nga ginaimbestigahan it Kalibo MPS. / ANN DESLENE SALAZAR
