Inflation rate sa Bicol padagos an paglangkaw, makalihis na umabot na ini sa 4.6% kan Hunyo

LEGAZPI CITY – Padagos an paglangkaw kan inflation rate sa rehiyong Bicol matapos mairehostro na uminabot na ini sa 4.6% kan bulan nin Hunyo.

Ini an kinumpirmar ni Philippine Statistics Authority Bicol Supervising Statistical Specialist Officer in-charge Ray Merjilla kun sain kun kukumparahon kaya kan mga nakalihis pang bulan mas huminalangkaw an porsyento huli ta kan Mayo, Abril, Marso nasa 3.7% sana ini mantang 3.1% kan Enero asin 2.9% kan Pebrero.

Dugang pa kaini, pag-abot sa overall inflation kan Hunyo, an Housing, Water, Electricity Gas and other fuels an pangenot na community group na nag-ambag na ugwang 52.4% na share sa pagtaas, puminangaduwa an food and non-alcoholic beverages na may 7.2% inflation asin 45.9% share mantang pangtulo sa may pinakahalangkaw na ambag iyo an transport na ugwang 3.2% asin 6.9% share.

Mientrastanto, mas hababa man ini kun kukumparahon sa nakalihis na taon sa kaparehong peryodo kun sain nasa 5.3% an inflation rate kan rehiyon.

Leave a Reply

Your email address will not be published. Required fields are marked *