LEGAZPI CITY – Mantenido an inflation sa rate sa probinsya kan Albay puon kan bulan nin Abril segun sa Philippine Statistics Authority (PSA) Albay.
Sinabi ni PSA Albay Chief Statistical Specialist Cecil Brondial, mantenidong nasa 3.6% pareho an inflation rate kan probinsya puon kan bulan nin Abril sundo Mayo asin ugwang 3.4% na average inflation rate.
Dugang pa kaini, pag-abot sa overall inflation kan Mayo, an food and non-alcoholic beverages an pangenot na community group na nag-ambag na ugwang 6.4 percent inflation asin 71.7% share, puminangaduwa an restaurant and accommodation services na may 3.6% inflation asin 8.6% share mantang pangtulo sa may pinakahalangkaw na ambag iyo an transport na ugwang 3.2% asin 6.9% share.
Mientrastanto, mas hababa ini kung kukumparahon sa nakalihis na taon sa kaparehong peryodo kun sain nasa 6.2% an inflation rate kan probinsya.
