LEGAZPI CITY – Luminangkaw pa an an inflation sa rate sa probinsya kan Albay kan nakalihis na bulan nin Hunyo ngonian na taon.
Ini an kinumpirmar ni Philippine Statistics Authority Albay Statistical Specialist Cross Doreh Lee, kun sain uminabot na ini sa 4.1% na halangkaw kun kukumparahon kan mga nakaaging bulan huli ta nasa 3.6% sana ini kan bulan nin Abril asin Mayo.
Dugang pa kaini, pag-abot sa overall inflation kan bulan nin Mayo, mas makaskas an nagin pagtaas kan presyo nin food asin non-alcoholic beverages kun sain iyo an pangenot na community group na igwa nin 7.2% percent inflation asin 55.5% share. 10% subuot digdi, hale sa vegetables, tubers, plantation asin cooking bananas, 6.2 percent an ready-made food and other food products asin 3.5% sa fruits and nuts.
Puminangaduwa an community group na housing, water, electricity, gas and other fuels na may 1.1% na inflation asin 42.8% share, 17.5% hale sa kerosene, 11% sa LPG asin -9.5% inflation mantang pangtulo sa may pinakahalangkaw na ambag iyo an recreation and culture na ugwang 2.3% asin 0.6% share sa kabilugang pagtaas kan inflation sa probinsya.
Pigheras man ni Lee na sa bilog na rehiyo kan Bicol, pang-lima an probinsya kan Albay sa may pinakahalangkaw na inflation rate.
Mientrastanto, an nanunambitang porsyento an mas hababa man giraray kun kukumparahon sa nakalihis na taon sa kaparehong peryodo kun sain nasa 6.2% an inflation rate kan probinsya.
