Bahagyang bumilis ang inflation rate sa bansa, ‘o ‘yung antas ng pagtaas sa presyo ng mga bilihin nitong Mayo.
Ayon sa Philippine Statistics Authority (PSA) – bumilis ito sa 3.9%.
Ito ang ika-apat na buwang sunud-sunod na pagbilis ng inflation.
Mula ‘yan sa 3.8% na inflation noong Abril; at 6.1% inflation noong Mayo ng nakaraang taon.
Sabi ng PSA, ang pangunahing dahilan nito ay ang mas mabilis na pagsipa sa presyo ng kuryente at LPG sa nagdaang buwan.
Nananatili naman sa 3.1% ang inflation sa Metro Manila; habang 4.1% ang inflation sa labas ng National Capital Region.
