CAMARINES NORTE- Nagbigay ng pahintulot ang Provincial Incident Management team na makapasok ang mga bata sa Malls sa lalawigan ng Camarines Norte
Ito ang kinumpirma ni Atty Don Culvera Unified Incident Commander ng IATF Camarines Norte sa panayam ng Brigada News FM Daet
Nitong linggo ay naganunsyo ang pamunuan ng SM City Daet na simula ngayong araw ay pinapayagan nang makapasok ang mga bata sa naturang mall at ang nasabing advisory ayon kay Culvera ay aprubado ng IMT.
Kasunod rin ito ng inilabas na addendum sa mga pinakahuling EO na ipinalabas ng Pamahalaang Panlalawigan na pinahihintulutan na ring lumabas ang mga bata at menor de edad kung may kasamang magulang o guardian para sa essential services lamang.
Tiniyak naman ng pamunuan ng SM ang mahigpit na pagbabantay ng mga security guard sa loob ng mall upang siguruhin na ang lahat ng mga mall goers ay susunod sa standard health and safety protocols
Kagaya na lamang ng hindi pagtatanggal ng suot na face shield at face mask at pagpapanatili ng social distancing sa lahat ng oras kahit na sa mga food court
Bukod sa SM City Daet, inanunsyo rin ng iba pang malls sa lalawigan kagaya ng Central plaza mall ang pagpapapasok ng mga bata sa kanilang establisimyento.
ilan pa rito ay nagbigay ng mga discount para sa mga laruan at iba pang mga freebies
