GIKUMPIRMA sa mga opisyal sa dakbayan nga nagsugod na ang hugot nilang pagpatuman sa price ceiling sa bugas nga P41 ang matag kilo sa regular milled rice ug P45 ang well milled rice.
Tungod niini gimanduan si Geraldine Zamora ang labaw sa Business Permits and Licensing Division ug Market Supervisor Lito Esclamado alang sa implementasyon.
Sa bahin sa rice retailer nga si Arthur Wong, gipamahayag niini nga bisan og sila ang malugi, nakaandam silang motuman sa maong kamandoan.
Segon pa niini nga ila nalang nga tan-awon nga sila ang makatabang ug dili lang sila ang makaganar.
Si Vivian Barli nga usa usab ka rice retailer ang bisan ugma pa ang implementasyon sa maong EO apan diha-diha gipatuman dayon
Una na usab nagpagawas og memo ang administrador sa syudad sa pagtuman sa price cap sa bugas.
Segon sa nahisgotan nga mas-maayong mag-una sa pagpatuman basta dili lang makamulta og dako tungod sa wala pagsunod sa kamanduan.
Samtang sa bahin ni Atty. Franklin Gacal Jr. gipamahayag niini nga estrikto nilang ipatuman ang EO sa Pangulo.
Kahibaluang Setyembre 5, ipatuman ang price ceiling ug ginalaumang mutuman ang tanan aron nga makalikay sa mga penalidad ug silot nga pwedeng maangkon sa usa ka retailer asa mukabat sa setentos mil hangtud 1 milyon ka pesos ang sikinsa mang musopak sa price cap. I Danny Casi
