ILOILO – Epektibo Pebrero 16, ginbuoe eon ro pag-require it negative RT-PCR test result sa mga fully-vaccinated travelers nga gustomg magsueod sa probinsya it Iloilo halin sa guwa it Western Visayas.
Base sa Executive Order No. 040-B series of 2022 it Iloilo Provincial Government, ro mga residente it probinsya ag non-residents nga nakakumpleto eon it andang bakuna kontra sa covid-19 hay indi eon kinhangean nga magpakita it negative RT-PCR test result kundi ro ipakita eamang hay ro covid-19 vaccination certificate.
Pero ginklaro nga kinhangean gihapon nga magpa swab test ro mga unvaccinated o partially-vaccinated. / ANN DESLENE SALAZAR
