Sa tunga it nagaabo nga insidente it ginasugid nga vote buying, ginpadumdom ni Iloilo PNP director Police Colonel Adrian Acollador ro mga botante nga ro pagbaligya it andang boto sa mga kandidato hay isaea ka election offense.
Ro padumdom hay kasunod it pilang mga post sa social media nga namonitor it Iloilo PNP nga ginasugid nga may mga insidente it vote buying sa pilang lugar sa probinsya it Iloilo.
Ginpahayag ni Acollador nga indi makaangkon it vote buying kung owa it magabaligya it anang boto.
Nagpanawagan man imaw sa pilang indibidwal nga nagahambae nga nakasaksi sa pagbakae it boto nga ireport ro insidente sa pinakamaeapit nga police station ag magtindog bilang saksi kontra sa mga nagabayolar. / ANN DESLENE SALAZAR
