Nagpasaeamat si Police Lieutenant Colonel Don Dicksie De Dios sa madinaeag-on nga pagkadakop sa suspek sa pagpatay sa biktimang si ROGER ESPINOSA, 41yo, native it Ilaya, Ivisan, Capiz ag temporaryo nga nagaistar sa Zone 3, Pinaungon, Barangay Balabag, Boracay Malay, Aklan.
Sa inisyal nga imbestigasyon ku Mayo 3, 2022, sangka insidente it pagpatay ro natabo sa Brgy Balabag, Boracay, kung siin ginkilaea ro suspek nga si RICHARD RODELAS, 43yo, sangka paddle board instructor, native it Gloria, Oriental Mindoro ag temporaryo nga nagaistar sa Zone 3, Sitio Pinaungon, Brgy. Balabag, Boracay.
Ginbuno segun kara hasta sa mamatay ro biktima nga si ROGER ESPINOSA.
Ro motibo it pagpatay hay bangud sa selos sa mga customer bangud pareho sanda nga trabahador sa isla it Boracay. / ANN DESLENE SALAZAR
