LEGAZPI CITY – Inihayag ng lokal na pamahalaan ng Daraga na nagkaroon ng pagpupulong ang Municipal Engineering Office (MEO) at ilang telecommunication providers para sa gagawin nilang massive removal ng mga dilapidated na poste ng telepono.
Ayon sa LGU ng nasabing bayan, dalawang barangay ang kanilang uunahin sa pagtanggal ng mga dilapidated na poste ng telepono at kuryente sa Brgy. Market Site at Brgy. San Roque.
Aniya, kailangang linisin o ayusin lamang ang mga kable sa mga poste at kuryente upang maging maayos na tingnan ang mga ito.
Inaasahang sa mga susunod pang mga araw ay masisimulan na umano ang pagtanggal at pag-ayos sa mga kable ng telepono at kuryente.
Maliban pa rito, nagsagawa rin ang mga tauhan ng MEO ng relocation ng PLDT communication cables sa likod ng munisipyo.
