NAGA CITY – Nagsimula na sa pagtrabaho ilang Telecommunication Company sa Naga City para sa underground cabling na ordinansa ng lungsod.
Ito ang napag-alaman ng Brigada News FM Naga kay City Councilor Lito Del Rosario, Author ng nasabing ordinansa.
Katunayan mayroon na sa may Magsaysay, Panganiban, at sa Diversion, bagamat marami pa ang hindi sumasabay sa programa na naiintindihan niya naman lalo na’t kailangan nito ng mahabang panahon dahil maliban sa kailangan ng malaking budget kailangan din resources.
Dagdag pa ng Konsehal, kailangan din maunawaan ng bawat kompanya na mahalaga ang ganitong ordinansa o programa upang makatulong lalo na’t para ito sa disaster resiliency safety ng lungsod, halos bawat taon rin kasi nakakaranas ng mga bagyo hindi lang ang Naga kundi sa buong Bicol Region na kinakailangang pagtuunan ng pansin.
