Naniniwala si Senador Win Gatchalian na hindi magiging maganda ang resulta ng pagpapatuloy ng people’s initiative (PI) sa bansa.
Ayon kay Gatchalian, kung maitutulak kase ito sa pag-amyenda ng konstitusyon ay maaring matanggal ang check and balance ng sistema.
Kaugnay nito, sa pagpasok ng senador sa Senado ay nakiisa siya sa pagtatali ng ribbon sa kanyang bisig.
Ito ay bilang pagpapakita umano niya ng suporta sa institusyon ng Senado.
Maliban pa roon, makikita sa session ngayong hapon sa Senado na halos lahat ng mga Senador ay nakasuot din ng ribbons.
