NAGA CITY – Isinasagawa ngayong Huwebes, Hulyo 6, 2023 sa Barangay Concepcion Grande, Naga City ang regular na pagcheck-up sa mga buntis para matiyak ang maayos na kalusugan ng mga ito, pati na rin sa sanggol na kanilang pinagbubuntis.
Bukod sa pagcheck-up binibigyan pa ng mga vitamins na hindi lang sa mga ina kundi pati na rin sa mga sanggol.
Nakapanayam ng Brigada News FM Naga si Janeth Danao, Midwife sa Barangay Health Center, sinabi niyang mahigit 50 ang mga inang buntis na kanilang inaalagaan ngayon at obligadong mag-report sa kanila tuwing Huwebes.
Ang mga buntis ay agad na inaasikaso ng mga kasamahang Barangay Healthcare Workers, mino-monitor ang blood pressure at tinitimbang.
Pasalamat naman sina Danao, dahil sumusunod naman ang mga buntis, kaya wala silang nakikitang problema sa mga ito. Binanggit niya ang health benefits ng mga vitamins na ibinibigay nila.
Tinanggap din ng mga buntis ang Mom’s Love ES 1 vitamins mula sa BNFM para sa maayos na health status ng ina at nasa kanilang sinapupunan.
